UN PASEO POLO PAZO DE RUBIÁNS (II)

Seguimos ofrecendo imaxes do noso paseo polo Pazo das Camelias (máis de 3.500, alberga no seu xardín botánico), estivemos moi ben acompañados e ilustrados cos comentarios e explicacións do enxeñeiro agrónomo do Pazo de Rubiáns. Finalizan as imaxes cun fermoso centro de camelias da finca dos nosos amigos Fernando Vila e Lidia Lorenzo, cultivadores e amantes das camelias e que teñen a súa finca no barrio de Rubiáns, moi preto do pazo. A Natureza e a Botánica son abraiantes, queda un asombrado e gratificado con tanta beleza.

UN PASEO POLO PAZO DE RUBIÁNS (I)

O pasado domingo día 2, co gallo da celebración da exposición da camelia, organizada pola Asociación O Souto de Rubiáns, celebrouse unha xornada de portas abertas para visitar o pazo das camelias, o pazo do Señorío de Rubiáns, un dos máis fermosos pazos de Galicia e un dos máis ricos en tesouros vexetais. Froito desa visita é a presente reportaxe fotográfica. Tamén visitamos a finca do noso amigo Fernando Vila, con máis de oitocentas camelias. Noutra próxima entrada seguiremos coa reportaxe, xa sabedes que somos uns namorados das camelias e do fabuloso mundo vexetal.