CAMBA INVITA

O pasado sábado, día 3 de marzo de 2012, ás 18:00 h. tivo lugar na Casa do Pescador de Vilanova de Arousa, unha proposta teatral moi curiosa, divertida e orixinal, a Escola de Teatro "Valle-Innova" da Fundación "Valle-Inclán" invitounos a un simulado restaurante no nome dun anfitrión de pedra, Julio Camba, no L Aniversario do seu pasamento.
Camba invitounos a unha saborosa tapa de fabada e a unha cunca de viño tinto, de paso escoitabamos e víamos os seus consellos sobre o ben comer e todos os temas que Camba relacionaba coa gastronomía, a idiosincrasia española, os costumes e visións estranxeiras, o restaurante automático de New York,... Todo regado e aderezado coa súa fina e cínica ironía, así como co seu grande humor extraídos do seu libro:
LA CASA DE LÚCULO O EL ARTE DE COMER.

Foron uns intres agradables, outro xeito de pasar a tarde dun sábado.

II OBRADOIRO CREATIVO DE POESÍA

PARTICIPANTES:

- José González

- Loreto Conde

- Isabel Pintos

- María Palacios

- Tito Porto e a súa dona

- Antonio Quiñoy

- M. Carmen Abalo

- Antonio Pinedo

As nenas:

- Marta Galcerán Conde

- Laia Galcerán Conde

e os seus amigos:

- Fran

- Rocío

COORDINADORA: Andrea Fernández, "Nei"

RPTE. DO LICEO CASINO: Xermán Torres

En primeiro lugar, vimos unha montaxe da autoría de Nei, quen tamén deseñou o fermoso cartél do II Obradoiro. Logo fíxonos a proposta de escribir un poema para nenos. Explicounos unhas cuantas características e o que significa escribir para nenos.

E aquí van dous poemas, compostos neste acto poético e creativo:

Zig zag zig zag
De un solo ojo
un diente de plata
que se hinca
en el lino,
"aguja afilada",
y hace caminitos
y sube montañas
y cruza sus cielos
de azul y de grana.

Zig zig zig zag
describe mil cruces,
mil sendas pertadas
y cuando se extiende
el hilo de plata
nacen caracoles
que frágiles marchan
haciendo carreras
por toda la falda.

Zig zag zig zag
y al fin se termina
clavada en la almohada
del alfiletero que siempre
la guarda.

ANDREA FERNÁNDEZ, "NEI"


Á MIÑA CADELA AMIGA

Chispita é unha cadela
vivaz, inqueda, intelixente.
A cadela que encheu
algúns intres moi ledos
dun tempo xa ido
e añorado.

O tempo dos soños,
dos xogos, dos medos...
Guau! Guau!
Chispita quere xogar,
irrumpe con estrondo,
os seus ollos de lume...

Aff, aff, hi, hi, hi
Chispita fala,
eu enténdoa.
Cóntame un conto,
salaios e inquedanzas
de Chispita, a miña
amiga dos tempos dourados.

Chispi, Chispi
onde estarás agora?
Guau! Guau! Guau!
Nos cornos da Lúa.
Si, si no fondo
das lembranzas
dos tempos idos.

Si, na Lúa lueira
Chispita fai unha carreira,
chega ata o meu corazón
e a lembranza esváese con ilusión.
Soñar,
amar,
Chispi a ladrar.

XERMÁN TORRES

TITO PORTO

TITO PORTO, UN GRAN ARTISTA
Toda unha vida gozando en Vilagarcía con creatividade, ledicia e ilusión

Hoxe sometemos ao famoso cuestionario Proust a un vilagarcián moi coñecido e querido. Cunha vocación artística e literaria que fan que teña unhas grandes ansias de vivir en plenitude e cunha fonda fe en Deus e un grande amor pola súa dona. É un dos poetas imprescindibles nas Mesas das Verbas, que ultimamente se veñen celebrando na nosa cidade. Unha persoa tenra e amabilísima coa que da gusto conversar e compartir o tempo, recuperar o tempo no sentido do que nos falaba Marcel Proust.


CUESTIONARIO PROUST

1.- Cal é o principal trazo do seu carácter? Afable.

2.- Que calidade prefere nun home? Seriedade e responsabilidade.

3.- E nunha muller? Responsabilidade e seriedade.

4.- Cal é a túa principal característica? Amabilidade.

5.- Que aprecia máis nas súas amizades? Lealdade e sinceridade.

6.- Cal é o seu principal defecto? O desorden.

7.- Cal é a súa ocupación favorita? O arte, a pintura e a escultura.

8.- Cal é o seu soño de felicidade? Estar xunto a miña dona.

9.- Cal sería a súa maior desgracia? Que a miña dona me faltase.

10.- Como lle gustaría ser? Cunha grande formación cultural.

11.- Cal é o país onde desexaría vivir? En España e onde vivo.

12.- Cal é a súa cor preferida? O azul celeste.

13.- Cal é a flor que máis lle gusta? A margarida (recórdame á miña irmán).

14.- Cal é o seu paxaro preferido? O gorrión por lembranzas de neno.

15.- Cal é o seu prosista preferido? Non me atrevería a opinar.

16.- E o seu poeta favorito? Son moitos.

17.- Cal é o seu heroe de ficción? O home do saco.

18.- E a súa heroína de ficción? A santa compaña.

19.- Quen é o seu pintor favorito? Rivas Briones.

20.- E o seu compositor musical? Manuel de Falla.

21.- Quenes son os seus heroes da vida real? Meu pai e miña nai.

22.- E as súas heroínas da vida real? Miña dona.

23.- Que acontecementos ou características da Historia detesta máis? As guerras.

24.- Quenes son os seus heroes e/ou heroínas da Historia Mundial? Nelson Mandela e Madre Teresa de Calcuta.

25.- Cal é a súa comida preferida? A tortilla de pan de millo (com pouco espesor e moita cebola.

26.- E a súa bebida? O viño tinto de Barrantes.

27.- Cales son os nomes que máis lle gustan? Domingo e Manuela (os nomes dos meus pais).

28.- Que detesta por riba de todo? O asasinato e o maltrato.

29.- Que personaxes históricos detesta máis? Moitísimos (incalculables).

30.- Que feito militar admira máis? A lealdade á Nación e as labores humanitarias.

31.- Que reforma valora máis? Non sabería valorar, hai moito que reformar.

32.- Que don natural lle gustaría posuír? Teño todo o que preciso.

33.- Como lle gustaría morrer? De repente e en gracia de Deus e preto da miña dona.

34.- Cal é o estado actual do seu espírito? Pensativo, con desexo de vivir.

35.- Que defectos ou faltas lle inspiran máis indulxencia? Neste momento pedir perdón, aos que ofendín sen sabelo.

36.- Cal sería o seu distintivo ou a súa divisa? A cruz, o crucifixo.

• Para rematar indique unha lembranza ou algo que queira destacar sobre a comarca de Arousa-Salnés.

Destacaría a importancia da ponte da Illa, para todos nós, e especialmente para eles.

XII MESA DAS VERBAS, 02-03-2012, 21:00 H. - LICEO CASINO DE VILAGARCÍA DE AROUSA

Nesta edición da Mesa das Verbas, aportou a súa arte por medio da Música o concertista de guitarra, Adolfo Panero.

De entre 50 asistentes, participaron compartindo versos 23 persoas, as seguintes:

- Dara Escribano

- Rafael Pintos "Wladimir Dragossán"

- Enrique Brumbéck (recitador)

- Jean Carballo

- José Tizado

- Ángeles Conde

- Antonio Pinedo

- Porto

- Carmen Abalo

- Xermán Torres

- José González (recitador)

- Tito Porto

- Rafa Gómez

- Isabel Pintos

- María Palacios

- Antonio Quiñoy

- Evcalo

- Andrea Fernández

- Jesús Recio

- Manoel Xosé de Oliveira

- Carmen Darriba

- Simón

- Alfonso Saavedra

AVISOS

- O venres, 09/03/2012, ás 21:00 h. celebraremos no Liceo Casino de Vilagarcía de Arousa o II OBRADOIRO CREATIVO DE POESÍA, que coordinará, nesta oportunidade, a nosa compañeira e amiga, Andrea Fernández.

- O 30/03/2012 en Vigo, presentarase un libro colectivo de relatos, no que participa ANDREA FERNÁNDEZ.

- O 12/04/2012, ás 21:30 h. no Liceo Casino, terá lugar un novo recital poético do noso amigo e compañeiro, José Tizado.

- O venres, 13/04/2012, celebraremos a XIII MESA DAS VERBAS, nela o noso amigo e compañeiro, "Evcalo" presentará o seu poemario MUXICAS DUN AROUSÁN, editado por Fernando Luis Pérez Poza.

QUE CORRAN OS VERSOS COMO A AUGA VAI POLO RÍO NUTRINDO Á TERRA.

O PAI, MANUEL CARREIRA, S.J. DE NOVO EN VILAGARCÍA DE AROUSA

Pódese consultar a páxina do meu bo amigo, J.M. Mariño:

http://www.turvilagarcia.com

CALDAS, NA ALMA DA INFANCIA

Sempre é bo volver a recuperar a infancia perdida, ese lugar recóndito gardado no máis fondo do corazón, no máis íntimo da alma, no curruncho gardado da memoria.
Imos retroceder no tempo, ao 6 de xuño do ano 1965, estamos na antiga capela do Colexio "San Fermín" de Caldas de Reis, dos "Padres Somascos", na imaxe estamos uns nenos, compañeiros de estudos que recibiron a Primeira Comuñón das mans do daquela director do centro, o moi coñecido e popular, padre Lorenzo.

É mágoa, pero de dous compañeiros esquecín o nome e apelidos, non así dos outros, dos que vou reflectir as miñas lembranzas.

José Antonio, que é o neno con gafas que está preto do padre Lorenzo, el mais eu fomos compañeiros e amigos, compartimos moitas xeiras de lecer e de xogos, enredabamos na sastrería do seu avó coa miña recordada caixa de indios, vaqueiros e demais, e co meu tren eléctrico (a pilas), José Antonio xa de pequeno tiña afección pola electrónica e tivo a feliz idea de enchufar o meu tren á rede eléctrica, como consecuencia fundíronse os plomos da súa casa, que provocou a estrañeza e enfado da súa nai; e o meu tren, coido que non funcionou máis. Tamén na súa casa víamos a TV, entre outras cousas, os CHIRIPITIFLÁUTICOS con Valentina, o capitán Tan, Locomotoro, "los hermanos mala sombra", ou o popular concurso, CESTA Y PUNTOS. Tamén frecuentabamos os dous xuntos a Biblioteca Pública, el manexaba libros de Electricidade e Electrónica e eu coas Aventuras de Tintín, os libros de Jules Verne e as Aventuras de Guillermo da editorial Molino. José Antonio pasaría, andado o tempo, a ser profesor do lembrado colexio da nosa infancia.

Con Yuyo Carbón, que é o máis baixiño da fila de diante e está a carón do máis alto e co cabelo roxo, Miguel Ángel e tamén ao meu lado, teño pasado intres moi divertidos e inesquecibles. El era un gran afeccionado á pesca naquel gran río, o troiteiro, Umia. O río querido da miña infancia, onde tantas vivencias e experiencias atesourei. Non podo entender e amar a Caldas de Reis sen o seu río, o meu río. Yuyo mais eu, acompañados ao órgano polo pai pasionista, Ismael, temos cantado algunha que outra misa na parroquial de Santo Tomás e temos feito algunhas visitas ao querido e popular Asilo de Caldas. Yuyo que pertenceu ao grupo de Coros e Danzas, que dirixiu D. Clemente Viqueira, aparece bailando unha danza galega na película rodada en Caldas, no entorno do bar O Muíño, MÁS ALLÁ DEL RÍO MIÑO, da que xa temos falado noutra entrada.

Os dous xa citados foron cos que eu máis me relacionei; pero, lembro tamén con agarimo a Miguel Ángel, que era un magnífico estudiante, tamén o recordo como incipiente violinista. El tamén, segundo me dixo, chegou a estudiar co gran mestre, D. Victoriano Rosales, a quen os ex alumnos da miña época en Caldas deberamos organizar un encontro na súa homenaxe e lembranza.

Tamén me era moi simpático, Marcelino, que está na fila de atrás, o primeiro pola dereita, quen chegara ao colexio procedente do Brasil, chistábame moito o seu característico acento brasileiro ao falar.

Muñiz, que está na primeira fila, o primeiro pola esquerda e ao meu lado, vivía na rúa Real, preto da ponte do río Bermaña, os seus pais rexentaban unha carnicería na Praza de Abastos. Lembro as famosas festas de San Xoán, coa súa popular e grandiosa fogueira situada no campo da Torre, moi preto da casa de Muñiz. Desgraciadamente, había moito campo e nada de Torre, a torre de dona Urraca, ou do conde de Trava, onde tiña nacido o emperador Alfonso VII, foi destruida por "inconscientes" a finais do século XIX, que enorme perda para Caldas!

Esta foto propiciou unha viaxe no tempo, no tempo do maxín e da nostalxia. Caldas sempre, Caldas.

(Se alguén coñece o nome e algún dato dos dous compañeiros que recordo, pero lamentablemente sen poder nomealos, que faga algún comentario, grazas).

XOSÉ LOIS VILA FARIÑA, "ULISIS FIGUEROA"

VILA FARIÑA, un home libre que é todo un exemplo para todos nós pola súa loita pola vida con dignidade, polo seu fondo amor pola lectura e pola escritura; pola indagación (leva publicados unha manchea de libros, pasan de corenta). Lois ten un grande amor pola súa Terra; a patria "chica", Baión; e a súa matria, nosa Galicia.
Estableceuse a nosa amizade tamén a carón do tan mentado, "Club Juvenil Villagarciano"; os seis números da revista poética RODADA, auspiciados por dito clube, viron a luz na fotocopiadora propiedade de Xosé Lois, onde tamén el publicaba a revista, O NOSO POBO, que nestes intres está a dixitalizar.
Fixemos mutua amizade e eu admiro a Lois por tantas cousas! Aínda me lembro do noso frustrado proxecto de peregrinaxe a Tréveris, lugar do martirio de Prisciliano. Que tempos aqueles!
Vila tamén aceptou someterse ao cuestionario PROUST, velaquí o froito do seu traballo:

Nesta xornada do Nacemento do Sol Invicto che mando un cordial saúdo, nun marabilloso día soleado e frío, tal como corresponde ao inverno, e de paso che contesto ao custionario.

1.- CAL É O SEU PRINCIPAL RASGO DO SEU CARÁTER?
A sinceridade, aperturando o corazón cara as amizades, e pechando cara os traidores.

2.- QUE CALIDADE PREFIRE NUN HOME?
A sinceridade e a auténtica amizade.

3.- E NUNHA MULLER?
As mesmas.

4.- CAL É A TÚA PRINCIPAL CARACTERÍSTICA?
Eso o teñen de dicir os demais, pero penso que é adaptarme ás circunstancias da vida, por moi negativas que estas sexan.

5.- QUE APRECIA MAIS NA SÚAS AMIZADES?
A sinceridade.

6.- CAL É O SEU PRINCIPAL DEFECTO
Físicos teño moitos, e dos outros en pecharme en min mesmo, e o de ser tardo en perdoar as traicións, e non deixar manexarme por calquera.

7.- CAL É A SÚA OCUPACIÓN FAVORITA?
A de escribir.

8.- CAL É O SEU SOÑO DE FELICIDADE?
O amar e comprender aos demais.

9.- CAL SERÍA A SÚA MAIOR DESGRACIA?
Vivir rodeado de caciques, hipócritas i envexosos.

10.- COMO LLE GUSTARÍA SER?
Como na actualidade, marxinado e so.

11.- CAL Ó PAÍS ONDE DESEXERÍA VIVIR?
No País da Utopía, e se non pode ser nunha Galiza independiente.

12.- CAL É A SÚA COR PREFERIDA?
A vermella.

13.- CAL É A FLOR QUE MÁIS LLE GUSTA?
Cada flor ten a súa característica. Se pode dicir que é a rosa.

14.- CAL É O SEU PAXARO FAVORITO?
O gorrión.

15.- CAL É O SEU PROSISTA FAVORITO?
Dos clásicos Ovidio e Cervantes.

16.- E O SEU POETA FAVORITO?
Os románticos hispanos, entre eles Rosalía e Bécquer.

17.- CAL É O SEU HEROE DE FICCIÓN?
O Capitán Trueno

18.- E A SÚA HEROINA DE FICCIÓN?
Alicia no país das Marabillas.

19.- QUEN É O SEU PINTOR FAVORITO?
Son varios, entre eles Goya.

20.- E O SEU COMPOSITOR MUSICAL?
Tamén son varios, entre eles Beethoven e Mozartz.

21.- QUEN SON OS SEUS HEROES DA VIDA REAL?
Os que loitan pola paz, entre eles Akenatón,Buda, Xesús, Mahomet, Viracocha, Gandhi,Luther King e Nelson Mandela.

22.- E AS SÚAS HEROÍNAS DA VIDA REAL?
Entre as mulleres, todas.

23.- QUE ACONTECEMENTOS OU CARACTERÍSTICAS DA HISTORIA DETESTA MAIS?
O abuso, sexa das xentes, do poder, etc., e tamén a demagoxia.

24.- QUEN SON OS SEUS HEROES E/OU HEROÍNAS DA HISTORIA MUNDIAL?
Todas persoas que loiten pola Paz, o Amor é a Liberdade.

25.- CAL É A SÚA COMIDA PREFERIDA?
Ao ser diabético é moi dificultosa a súa resposta, pero sempre productos variados dentro do réxime.

26.- E A SÚA BEBIDA?
A auga.

27.- CALES SON OS NOMES QUE MAIS LLE GUSTAN?
Non teño preferencia.

28.- QUE DETESTA POR RIBA DE TODO?
A mentira, a traición e a hipocresía.

29.- QUE PERSONAXES HISTÓRICOS DETESTA MÁIS?
A Buch, Blaire e Aznar. Tamén a Zapatero.

30.- QUE FEITO MILITAR ADMIRA MAIS?
A retirada das tropas nortemericanas de Vietnan e de Iraque.

31.- QUE REFORMA VALORA MÁIS?
Todas as referentes á liberdade social.

32.- QUE DON NATURAL LLE GUSTARÍA POSUÍR?
O dos animáis.

33.- COMO LLE GUSTARÍA MORRER?
Sabendo que rompo a casca do ovo para voar ata un estadio superior da miña rencarnación posterior.

34.- CAL É O ESTADO ACTUAL DO SEU ESPÍRITO?
Trato de serenarme na paz, no amor e a liberdade que vou desenrolando.

35.- QUE DEFECTOS OU FALTAS LLE INSPIRAN MAIS INDULXENCIA?
Xeralmente o incomodo.

36.- CAL SERÍA O SEU DISTINTIVO OU DIVISA?
Paz, Amor e Liberdade.

Referente á comarca de Arousa, para min o máis salantiable foi o tema de Prestige.

Amigo Xermán, espero que che sirva.
Baión, Comarca do Salnés no Día do Nacemento do Sol Invicto, 25 do Nadal do 2011, ás 15,47 horas.