Xerais, 1994 (3ª ed.)
Dedicatoria de Manuel María, no meu exemplar de OS SOÑOS NA GAIOLA
Eu teño unha grata lembranza deste libro, nos meus longos anos de mestre no ensino público empreguei este poemario e o disco homónimo de Suso Vaamonde no proceso de ensino-aprendizaxe da nosa lingua e como divertimento nas clases para gozar da poesía e da música, tamén nos coros escolares que dirixín, que eu chamáballes: CANTAMOS XUNTOS, gozabamos coa poesía de Manuel María e coa música de Suso Vaamonde. Hoxe sigo facendo o mesmo cos meu netos e así pasamos uns intres de felicidade.
O meu alumnado, co auxilio da música, ademais de cantar, aprendían e recitaban fermosos poemas como este, que eu interpretei o pasado 21 de novembro na CLVI Mesa das Verbas, que celebramos no Auditorio Municipal de Vilagarcía de Arousa e que agora podedes apreciar grazas ao vídeo da miña querida amiga, a poeta Pilar Lojo.
Ah! Un dato, no mes de marzo de 1999, xestionei a visita e o encontro de Manuel María, acompañado de Saleta co meu alumnado do meu querido e inesquecible colexio de O PIÑEIRIÑO, acto realizado coa colaboración das Edicións Xerais de Galicia.
No hay comentarios:
Publicar un comentario