ONDE VAN OS QUE SE VAN?

A nosa amiga e compañeira Tere Briones agasallounos na celebración do VI Aniversario da Mesa das Verbas (Centro Comercial Arousa, 21-01-2017; 18:30 h.) cun fermoso poema de José Manuel Olveira Hortas que se titula:  ONDE VAN OS QUE SE VAN? Nunha gravación xentileza de Luis González de la Ballina González, e que agora ofrecemos:

Tere Briones tamén foi quen de compoñer un fermoso poema para conmemorar esta efeméride:

SEXTO ANIVERSARIO MESA VERBAS

Un vinteún de xaneiro

comezaban andadura

catro grandes pioneiros

lían verbas con soltura.

Confiados creadores,

despois de moitas andanzas,

lograron unir valores

e poemas nas xuntanzas.

Fóronse da nosa beira

María Palacios poetisa

e o poeta Manuel Olveira,

os dous marcharon de prisa.

Mesa das verbas, es moito,

e hoxe estás de aniversario,

a edición sesenta e oito,

e seis do teu cumpleanos.

Composta por chea de xente

unida por gran paixón,

pensamentos diferentes,

todos abren o corazón.

Que cumplas moitos máis anos,

e que non nos falte a man

dos que agora aquí estamos,

tamén de Andrea e Xermán.

Só pedimos que haxa unión

para poder lanzar e ceibar

con respecto e ilusión

os nosos poemas ao ar.

Tere Briones, 21-01-17

VI ANIVERSARIO DA MESA DAS VERBAS - 21-01-2017

Imaxe de Luis González de la Ballina González

Fotografía: Luis González de la Ballina

Para conmemorar esta pequena efeméride da Mesa das Verbas, xurdida o 21 de xaneiro de 2011 no Liceo Casino de Vilagarcía de Arousa, xuntámonos na edición LXVIII destes recitais poéticos mensuais, vintecinco amigos e amigas, aquí tendes a súa relación:

- Ela e Antonio Millán

- Mª José Rubianes Otero

- Eligio Vila Vázquez

- Alfonso Galbán Rico

- Alfonso Saavedra Lourido

- Loreto Conde Durán

- Andrea Fernández Maneiro "Nei"

- Sylvie Rico

- Luis González de la Ballina González

- Gaspar González Somoza

- Tito Porto

- Carmen Abalo Noya e esposo (Nartallo)

- Antonio Quiñoy

- Manuel Lage

- Tere Briones

- Jean Carballo

- José Tizado

- Ramón Torrado

- Isabel Peleteiro 

- Remedios Fidalgo Rodríguez

- Crescencia Sarmiento

- Alejandro Guanella

- Germán Manuel Torres de Aboal

 Imaxe de Andrea Fernández Maneiro

Fotografía de Luis González de la Ballina

Imaxe de Nei

Celebramos seis anos de amizade e o gozo de compartir versos e inquedanzas. Ceibamos versos ao ar como estes:

- Versión ao galego de Plácido Castro (2016) por medio do inglés dun antigo poema en gaélico en edición de Laura Linares Fernández: 

O FORTE DE RATHANGAN

Aquel forte que está xunto os carballos -

un día foi de Bruidge, foi de Cathal,

foi de Aedm, foi de Aillil,

foi de Conaing, de Cuilin,

e foi de Maelduin.

Tocoulle a cada un a súa xeira, o forte fica,

e na terra, durmindo, están os reises.

- De Germán Manuel Torres de Aboal (Hidromel, 2007): 

Ondas do mar de Arousa

Dicide que a máis belida

Raíña da Ría, querida,

I maxinada, fermosa; non é

Outra que a camelia

Zoupada aquí polo vento

Ou acariñada polas bágoas

Lanzais que os nubeiros

Ardorosos como bicos lle regalan.

Se ha añadido a Tere Briones Berride. Si quieres eliminarlo, pulsa la tecla de retroceso.

O Diario de Arousa do domingo, 22/01/2017, na súa páxina 5 inxire unha
 reseña deste acontecemento, que inclúe unha foto de Gonzalo Salgado,
 que agora reproducimos:

Página 1 de 2O Diario de Arousa do domingo, 22 de xaneiro de 2017, inxire unha reseña desta xuntanza, con foto de Gonzalo Salgado e

LXVIII MESA DAS VERBAS - VI ANIVERSARIO

ESTE SÁBADO 21, ÁS 18:30 H. NA SA DE XUNTANZAS DO CENTRO COMERCIAL AROUSA CELEBRARASE A LXVIII EDICIÓN DA MESA DAS VERBAS, NO DÍA XUSTAMENTE DO VI ANIVERSARIO 21-01-2011 / 21-01-2017

 Esta iniciativa poética foi concebida por María Palacios, Manolo Olveira (ambos os dous tristemente falecidos xa) e Andrea Fernández Maneiro e Xermán Manuel Torres nas tertulias (parladoiros) que celebraban na cafetería do Liceo Casino de Vilagarcía, precisamente esta centenaria sociedade acollía a iniciativa no seu seo sendo Alfonso Saavedra Lourido o presidente e Xermán Manuel Torres, vicepresidente e delegado de Cultura. Posteriormente, co triste declive de dita querida sociedade vilagarciana, a Mesa das Verbas desvincúlase do Liceo Casino e toma un camiño autónomo, fóra do acollimento liceísta, pasando a celebrarse os recitais mensuais na Sa de Conferencias do Auditorio Municipal, coa inestimable colaboración da Concellería de Cultura do Concello de Vilagarcía e coas colaboracións puntuais da Deputación Provincial de Pontevedra. Seguindo con edicións especiais noutros lugares como o Centro Comercial Arousa e nas rúas de Vilagarcía cando se celebra a Poesía na rúa ou os recitais dos escolares de Vilagarcía co gallo do Día das Letras Galegas, ou nas Mostras de Poesía con variadas e innovadoras actividades de animación poética.

Pensamos que é moi importante o manter un acontecemento poético coma este mes a mes e durante xa séis anos consecutivos.

O sábado, no Centro Comercial tamén ultimaremos detalles para a edición e posible publicación da Revista Poética da Mesa das Verbas - Anaco núm. 1.

E recordaremos que os xoves a partires das 18:00 h. no bar A Marina terán lugar os Parladoiros da Mesa das Verbas, un lugar de encontro para quen queira conversar sosegada e amigablemente sobre inquedanzas, deseño de iniciativas e actividades, así como compartir afeccións, lecturas, cine, música, actualidade, asuntos varios da nosa cidade de Vilagarcía de Arousa e todo o que vaia xurdindo, nun ambiente agradable e mentras tomamos algo xuntos.

VERSOS COMPARTIDOS / SOÑOS REALIZADOS / VIDAS EN ACCIÓN

SAÚDE E POESÍA